Google.Translate

顯示具有 港產監獄片 標籤的文章。 顯示所有文章
顯示具有 港產監獄片 標籤的文章。 顯示所有文章

2015年1月28日 星期三

遺作重拋《監獄風雲》大咪哥金句:忍一時風平浪靜


藝人何家駒於27日凌晨病逝,其遺作港產監獄片《壹獄壹世界:高登闊少踎監日記》,仍然演大咪哥一角。
今日電影公司公開何家駒的遺作《壹獄壹世界》部份精采片段,向一代惡人致敬。想不到多年一直演「奸角」的何家駒今次終於可以 從良,演一個好人,幫助戲中被黃光亮手下欺騙的張健聲,更在戲中講出金句「忍一時風平浪靜,退一步海闊天空。」這句對白便是 1987年《監獄風雲》中,發哥(周潤發)做「和事佬」所講的,而今次「咪哥」何家駒一角也是「勸交」、希望萬事以和為貴,何家駒 在片中,續道:「呢個世界上,有幾多知己,今日分手第日都係朋友吖嘛!啱唔啱?」
《壹獄壹世界》導演孫立基接受《蘋果》訪問時自言,今次安排何家駒演此角,係希望幫對方「從威」洗底,萬料不到竟爾成為遺作 。同片演員姜皓文亦表示:「我啱啱接到佢死訊,好婉惜,當日佢由深圳落嚟拍戲,佢對腳好腫,行唔到咁滯,但人好精神,佢都有 話身體唔舒服,佢真係好熱愛電影,點都撐住拍落去。呢位前輩,敬業樂業,好值得尊重。」

「大佬B」證死訊:孤身一人去世於香港醫院!

演出惡人角色知名的藝人何家駒今日凌晨病逝,同樣演出惡人入型入格的「大佬B」吳志雄,今晚在微博證實死訊,他寫道:「剛剛接 到何家駒老師去世的噩耗,何家駒,1948年3月14日出生於香港,於2015年1月27日淩晨4點逝世於香港! 代表作品:《監獄風雲》《 霹靂先鋒》《無期徒刑》《學校風雲》 家駒哥一生無兒無女,沒有親人,孤身一人去世於香港醫院! 願駒哥一路走好!」
拍遺作腳腫 姜皓文:佢行唔到咁滯,但人好精神

何家駒的遺作是《壹獄壹世界:高登闊少踎監日記》。 (圖片由中國3D數碼娛樂提供)




(圖片由中國3D數碼娛樂提供)
藝人何家駒於27日凌晨病逝,其遺作是港產監獄片《壹獄壹世界:高登闊少踎監日記》,該電影導演孫立基昨接受電話訪問:「我哋 部戲本來四月開,但家駒話佢唔舒服,遷就咗檔期,11月先開工,當日劇組用中港車由內地接佢嚟蠔涌開工,好齊人,王宗堯、張健 聲都喺度,家駒全日好精神,仲同大家傾戲,畀好多意見。」
孫立基續說:「今日劇組接到佢死訊,好可惜,佢係好專業演員,好投入演出,喺片場同大家相處好開心。」
《壹》片男主角王宗堯喺電影中同何家駒冇對手戲,怛喺現場有睇佢拍戲,佢話:「佢好好人,劇組通知呢個消息,做人真係好化學。 」同片演員姜皓文表示:「我啱啱接到佢死訊,好婉惜,當日佢由深圳落嚟拍戲,佢對腳好腫,行唔到咁滯,但人好精神,佢都有話 身體唔舒服,佢真係好熱愛電影,點都撐住拍落去。呢位前輩,敬業樂業,好值得尊重。」

上星期邀請往煞科宴 蕭定一:佢係好有型格嘅演員

年青時何家駒都曾演過警察。

何家駒於《壹獄壹世界:高登闊少踎監日記》的造型。
何家駒病逝昨日凌晨病逝,有份投資其遺作《壹獄壹世界:高登闊少踎監日記》的蕭定一昨日受訪表示晚上八點左右得知其死訊:「我 唔敢同人講,因為仲未證實到,未搵到佢屋企人,係佢身邊一個朋友講嘅,所以唔敢亂講。但係後尾劇組10點左右check到醫院紀錄係 真嘅,成件事好突然,因為上星期仲叫佢嚟煞科宴,佢係好有型格嘅演員,佢被稱為『香港四大惡人』係有原因嘅,其實佢都反映咗 80年代港產片黃金時代一個重要角色。佢對我哋部戲付出好大,非常非常可惜,希望佢一路好走,我一路都好想同佢合作,因為蕭若 元同麥當雄同佢好合作咗好多次,而我印象最深係《上海皇帝》做軍閥做得好好,希望同佢合作,好榮幸地佢最後一部電影係同我哋 合作。」
《壹獄壹世界》主角之一張建聲昨受訪表示:「好遺憾,因為家駒哥始終係我哋嘅兒時回憶啦,《監獄風雲》裡面好經典,香港又少咗 位經典人物,我有幸成為佢最後一段路裡面嘅對手,我真係好光榮,真係珍惜眼前人,有啲嘢唔係必然,希望家駒喺天國繼續開開心 心咁生活落去。」

3日輸2000萬 何家駒被「惡名」所累冇結婚



何家駒惡人形象太深人民心,令他欠缺異性緣。 (資料圖片)
「香港四大惡人」何家駒,昨日凌晨因病逝世,他的一生演出的電影十居其九都是惡人,令他的形象都「惡形惡相」,原來「惡人」 之名也曾令他十分困擾。
2002年,何家駒曾經接受內地媒體訪問,表示「惡人」之名令他痛苦,他當時說:「有一次演戲之餘我去洗頭,按摩小姐看見我後,居 然大叫著跑掉了。哎!導演只請我拍壞人戲,我有什麼辦法。我這一輩子沒結過婚,現在連女朋友都沒有……」他強調自己在生活中 是好人,從來不傷害別人,而且對家人也很孝順,特別聽媽媽的話。
訪問中何家駒亦大爆自己的「發跡史」,25年前(約1977年),他買下一間報館做起總編輯:「報紙做了一年多,情況還不錯。但後來我 去賭博,3天輸掉了2000萬身家!」之後何家駒進入電影圈,由打雜做起,做過經理人,導演同製片,還豪言:「除了沒和成龍合作外 ,我和香港的藝人幾乎都合作過。我想努力拍電影,再多拍點。爭取做中國拍電影最多的演員。」

王宗堯讚專業:一兩take就交到貨

王宗堯及張建聲(左)與何家駒合作新片。(資料圖片)

(微博圖片)
演員何家駒昨日病逝,他的遺作是《壹獄壹世界:高登闊少踎監日記》,該片男主角王宗堯受訪表示:「大咪哥當然係因為《監獄風雲 》而為人認識,冇諗過《壹獄壹世界》會變咗佢遺作,佢喺現場比到好多樂趣大家,記得佢嗰一日嚟到同導演講:『嗱,我老o架啦, 對白記唔到』但佢埋位係一兩TAKE就交到貨,佢係一個好專業嘅演員,真係好可惜,知道佢身邊冇咩親人,如果之後有任何需要幫 手,我哋都會配合。」
王宗堯更透露該片有一段何家駒與張建聲的對手戲會令人笑到碌地,不過佢就大賣關子,不劇透,希望觀眾到時入場睇。

14年冇拍港產片 何家駒內地登台搵3千萬
被稱為「香港四大惡人」之一的演員何家駒昨日凌晨病逝,上年三月他以監躉look宣傳電影《高登闊少踎監日記》,想不到竟成為他 的遺作。
其實何家駒自2000年後已經再沒接拍港產片,距《高登》一片有整整14年,原來他由2000年開始就北上內地登台,更稱這些年來賺了 2﹑3千萬人民幣,微博上亦偶爾有網民放上他登台的照片,問他是否登台唱歌,他當時就表示:「邊識啫?初初上去咪喺度鬧人囉。」 問到有什麼飲歌,他說:「上海灘﹑東方之珠﹑龍的傳人﹑愛拼才會贏。」何家駒早年有開微博,不過極少更新,對上一條微博已是 2011年的事,當時他與內地導演陳雅文合照說道:「最近與導演陳雅文在銀川看外景,準備籌拍一部公益電影,希望能為環保事業盡自 己的一點綿薄之力,也為子孫後代造福!」

來源轉自:
2015-01-28
(注意:帖內文或圖片中可能含有厭惡性簡體字;本站維護中華文化,堅決行使正體字。版權歸著者所有。)