范徐麗泰
沉船在即的特首"梁振英"
景鴻按：致廣大香港人:
1.誰毀你們家園，就是你們敵人-------新界東北割讓計劃;
2.誰洗你們孩子的腦，就是你們敵人---國民教育科;
3.誰踐踏你們家園，就是你們敵人-----壹簽多行加大自由行;
4.誰霸佔你們家園，就是你們敵人-----上水、粉嶺、大埔，"蝗"家水貨客！
敵人臨近,要最快的時間制服滅掉,最徹底的原則,是希望中共早點覆滅!請馬上積極表態,向梁共政府說：不！要硬推就：滾！
前朝話梁振英上任要推翻佢，香港人係咪要照做？身為特首絕無主見，不分好壞，與民為敵，等同自殺，你這樣：又要威，又要帶頭盔；只有是等候滅亡結果！
梁振英上場後，硬推國民教育逼出9萬人上街、13萬人包圍政府總部；但梁班子將責任推到前朝身上，他自稱「繼承上屆政府決定及軌迹」。全國人大常委范徐麗泰昨踢爆梁振英的政治「偽術」，直指梁覺得上屆政府做得不對，絕對有權改動政策，「唔能夠話呢啲係上屆嘅，好似同自己無關」，又暗批梁欠缺才能，若無法管好香港「就唔好怪人」。
記者：陳雪玲
全國人大常委范徐麗泰昨出席前國務院港澳辦常務副主任陳佐洱新書發佈會時，被問到對國民教育的看法時說，她支持推行國教，因為中國人始終要認識中國事，但她早在去年已表示不認同政府推行方法，認為教材不應偏頗，「我哋作為中國人，（升國旗時）應該企起身肅立，至於我心裏面諗咩，唔該你唔好管我，你亦都管我唔到！」
「無才能點管香港？」
范太又將矛頭指向梁振英，揶揄他既然任由學校自決國教科課程內容、開展時間，實質上與撤科沒有分別，「但政府又話佢冇撤回，咁我相信佢哋（政府官員）有佢嘅政治智慧，唔係我啲咁普通嘅人可以明白。」
對於梁振英將國民教育、新界東北發展計劃引發的爭議，推到曾蔭權政府身上，令新政府施政舉步維艱，范太對此不以為然，認為梁振英及現政府不能推卸責任：「上屆政府做得唔啱嘅，咁你咪改變佢嘅政策囉，你亦都有權咁做，但唔能夠話呢啲係上屆嘅，好似同自己無關。」
范太又指，國教對政府而言是危機，但同時是展現才能的機會，暗批梁能力不足，「如果你自己冇才能，咁就唔好怪人哋啦！冇才能又點管治香港呢？」
被追問是否覺得梁振英無才能，她只說：「我點知道梁振英特首做得好唔好呢，呢啲係香港市民講㗎嘛！」前港區人大代表吳康民則指，利益集團、港英餘孽及泛民主派形成統一戰線對付新政府，令政府處於險要形勢，梁振英上任不足百日，目前難評估其表現。
難忍新政府失誤頻生
時事評論員劉銳紹認為，范太如此批梁，一來是不滿政府施政失誤頻生，二來是對於梁振英卸責上屆政府的行為看不過眼。他說：「梁振英係董、曾兩朝行會成員，喺政府過去決策上扮演重要角色，佢（梁振英）家咁講即係推卸責任。」
另外，全國政協副主席董建華接受美國有線電視新聞網絡（CNN）專訪時，大爆國家副主席習近平游水傷背，又指國家主席胡錦濤卸任後仍會留任中央軍委主席；范太認為董建華做事一向謹慎，相信是得到「上面吩咐」，才會發表上述言論。
范太部份金句
「（國民教育）幾時做又係由學校決定，裏面教啲乜嘢又係學校決定，我聽完之後，我自己嘅感覺就即係唔使做啦！但政府又話佢冇撤回，咁我相信佢哋有佢嘅政治智慧，唔係我啲咁普通嘅人可以明白。」
「（課程指引提到升國旗要感動）感動係內心嘅，你叫老師點令學生有一個感動嘅心態呢？其實我覺得升國旗時，我哋作為中國人，應該企起身肅立。至於我心裏面諗咩，唔該你唔好管我，你亦都管我唔到！」
「（國教、新界東北發展）呢啲唔係計時炸彈，呢啲大家都知道嘅嘢，上屆政府做得唔啱嘅，咁你咪改變佢嘅政策囉，你亦都有權咁做，但不能夠話呢啲係上屆嘅，好似同自己無關。」
「雖則係有危機，但亦都有機會表演你嘅才能，如果你自己冇才能，就唔好怪人哋啦！冇才能又點管治香港呢？（係咪認為梁振英冇才能？）我點知梁振英特首做得好唔好呢，呢啲係香港市民講嘅嘛！」
資料來源：蘋果日報2012-09-21日
沒有留言:
張貼留言