熱血變冷，梁振英利慾蒙蔽良心！

梁振英在六四鎮壓翌日刊登聲明，譴責中共血腥屠城。 23年來，港人爭取平反六四決心不變，但梁振英卻被利慾蒙蔽。六四屠城後，當時滿腔悲憤的梁振英曾預言，假如北京學運在本港發生，不能假設中共會用理智和克制手法應對，「一個咁樣嘅政權，唔能夠長期維持落去。一國兩制底下，我哋唔想中國政府凡事干預香港」。今天的梁振英卻把香港主場拱讓給中聯辦，不斷避談六四。支聯會主席李卓人斥梁振英可恥：「香港人唔應該有一個出賣良心嘅特首！」
當年上論壇譴責屠城
1989年6月11日，梁振英以基本法諮委會秘書長身份出席港台《城市論壇》，討論題目是「如何保障香港長治久安」。他在節目中痛心譴責六四屠城：「內地發生駭人聽聞嘅事，大家都好悲憤。我接觸到嘅草委感受唔單只無所適從，大家從樂觀至悲觀，從悲觀到絕望，從絕望到震驚。」
當年的梁振英鼓勵港人重新振作，指萬一香港垮掉，中國民主路會更遙遠，縱然港人對中共的幻想徹底破滅，「唔能夠假設香港市民呢個時候採取任何行動或者提出任何主張，中國當權者都唔會採取行動。我哋唔能夠假設，萬一中國當權者對香港採取行動嘅時候，呢啲行動會係理智或者克制」。
要保住香港，梁振英認為港人必須積極參與《基本法》起草諮詢，築起法治防線，「有人話《基本法》只係一張紙，唔能夠抵住槍炮，中國政府既然唔遵守諾言，佢唔重視法律，所以香港唔需要參與《基本法》諮詢係一個片面睇法。如果港人唔參與，九七後仍然有《基本法》，係中國單方面起草嘅《基本法》。中國政府可以振振有詞，拎住基本法條款，將同香港人意願唔符合嘅嘢加喺香港人頭上。即使我哋對佢嘅保護性有所懷疑，都唔想《基本法》有啲好似劍咁嘅條款向住香港人」。
來源轉自：
2012-06-04
（注意：帖內文或圖片中可能含有厭惡性簡體字；本站維護中華文化，堅決行使正體字。版權歸著者所有。）