景鴻按：唔震怒就假啦，影衰晒中國共產黨，睇下老共的官員貪都暱埋一堆貪都無事（衰埋一堆，物以類聚），(掩著心口）痛苦地喊：梁振英...你...你...你..哎發展局局長麥齊光被揭呃租津，被廉署拘捕兼倉卒辭職，除了震動香港政壇外，有政商界人士透露，內地「中間人」也主動接觸「收風」，對梁班子上任僅12日，醜聞越爆越有，令中央顏面無存外，梁面對危機又顯得束手無策，除了令中央挺梁人士感失望與無奈，也開始對梁能夠挽回民望失信心，相信會令「雙失」中央加快部署應對方案，包括「替補」特首的 Plan B部署。
官方新華社昨午發稿，除了報道麥齊光辭職，也報道了廉政公署拘捕了一名特區政府決策局局長、一名政府部門助理署長及另外兩名人士，懷疑他們申領政府房屋津貼時涉嫌違反《防止賄賂條例》。
對梁振英能力失信心
有政商界人士透露，今次麥齊光涉嫌違反《防止賄賂條例》而辭職，對中央來說，嚴重性遠高於之前僭建醜聞，「之前領導人指令特區新政府要廉潔奉公，話口未完就有新班子官員俾廉署拉，你話中央顏面何存？」
據他接觸的內地「中間人」，對梁班子的醜聞「一單大件事過一單」，無不感失望與無奈，「局長係梁振英向中央推薦，單係用人不察呢條罪，已經令好多人對佢好失望」；甚至有人對梁處理危機無方覺得氣憤，「佢哋（內地中間人）見到梁班子醜聞爆完又爆，完全做唔到嘢，覺得好氣憤，質疑佢能力好有問題」。
另一名政界人士指，他從與「中間人」對話中，感到某些挺梁內地官員，也開始對梁能夠在未來幾個月挽回民望失去信心，「佢哋開始覺得梁班子出咗狀況，唔係咁易解決、甚至係解決唔到」，因此他相信會令中央加快思考應變，「應該睇多一兩個月，如果仲冇起色，中央就要諗應變替補方案」。
來源轉自：
（注意：帖內文或圖片中可能含有厭惡性簡體字；本站維護中華文化，堅決行使正體字。版權歸著者所有。）
沒有留言:
張貼留言