■其中一名的士司機執了7張500元鈔票，後來由《蘋果》記者陪同下前往警署。周子惇攝
■戴眼鏡的黑衣婦人從錢箱拿走兩磚共100萬元鈔票，但有傳已交回警署。互聯網
■警員在現場荷槍實彈戒備。
■有市民將拾獲的鈔票拍照放上facebook。互聯網
記者：莫家文 張鼎和
至昨晚深夜，共有12人向警方歸還360萬，目前尚有1,163萬下落不明。
黃先生駕駛的士24年，家境不錯，有樓有的士牌，與妻子育有三子，其中兩子已出身，18歲幼子仍然讀書，黃承認生活無憂，但抵受不了誘惑才執錢，「大家見到咁多錢，唔知係邊個，你攞唔攞啦？」黃妻原本不知情，但見記者登記採訪，才知丈夫曾經貪婪，詰責他：「做乜嘢攞人錢呀！」
開車門與乘客拾鈔
黃憶述，昨午1時許，在灣仔史釗域道接載一名穿藍色衫的男子，前往中環5號碼頭，途至告士打道時前面塞車，乘客大叫：「錢呀！」他與乘客隨即打開車門細看，果見滿地銀紙，他執了合共7張500元大鈔，乘客也拾了一批，逗留十多秒後雙雙登車離去。
至下午5時許放工歸家，看新聞始知「大鑊」，警方正追查執獲者的身份，令他擔心不已，對記者說：「搞到咁麻煩，好後悔，最慘差人未必信我執得咁少。」為免干犯刑責，昨晚9時許到西區警署交回3,500元。
有執獲者在fb炫耀
一筆橫財分出兩種人，任運輸司機的何先生，當時駕駛一輛客貨車載着一名工人前往干德道地盤，由杜老誌道轉入告士打道時，見到兩個一藍一綠的膠箱橫亙路中，現鈔漫天飛舞，他把車停下，看到陸續有人上前執拾，他卻不為所動：「當時覺得啲錢唔係真，點會咁兒戲。」事後雖知真鈔，亦沒有後悔：「你攞咗，人哋唔會唔追究嘅！」
但貪婪始終是人性，亦有執獲者不肯交還，更把成個磚頭的現鈔上載網上炫耀，facebook傍晚有人上載一張相，相中是合共50萬元的500元大鈔，並聲稱帶禮過澳門，而轉貼的網民稱「有人執到太開心」；另一張則見同款鈔票磚放於雲石桌，全是1,000元港幣，旁邊更有標籤顯示，總面值為100萬元，稱「有人執到後影咗出黎（嚟）」。
不過，作為港島核心地段的告士打道，遍佈閉路電視，當時在場執錢的人和車無所遁形，灣仔警區助理指揮官溫兆雄表示，呼籲任何人如拾獲有關鈔票，應盡快交予警方，否則有機會干犯盜竊罪。
蘋民洗版
小川拓海：點解我今日唔去灣仔？
Ho Ka Keung：可遇不可求，可遠觀卻不能搶之。
Allan Tse：跟晒號碼，使嗰個拉嗰個啦！香港咁多天眼，實拉到人嘅！揸住黃衫嗰個阿嬸咁顯眼，第一個拉佢先啦！的士有車牌仲易跟添！
Kuen Kwan：執到錢嘅送去亞視，等佢出埋糧執咗佢
David Lam：聖誕老人來臨香港！
Benny Hui：如果我攞咗老虎蝦都唔會攞返出嚟，攞番條毛畀你就得，吹我脹呀，所謂地上執到寶問啊689都攞唔到
Fong Wong：俾人用手機影晒樣嗰啲，真係好危險，走唔甩！
天 網：這同打劫有何差別？解款車裡是你們的錢嗎？可以大剌剌的去拿？17年來所謂回歸後的香港已道德道義之低落與狗共不相伯仲！撿走解款車的「劫匪」小心以為發了橫財，因不勞而獲的財物而令自身麻煩事接踵而來，亦也可能丟掉生命，大陸人也未能倖免天理循環！
天網提示:
中共對號入座的邪教鑑別法。
來源轉自：
（注意：帖內文或圖片中可能含有厭惡性簡體字；本站維護中華文化，堅決行使正體字。版權歸著者所有。）
沒有留言:
張貼留言