Google.Translate

2015年11月27日 星期五

【陳賤身撒潑】秋生不屑:佢求遺臭萬年,唔理佢就最好喇!

 



「呢個根本係女流氓,大家使乜怕佢?」——黃秋生話嘅。
黃秋生:「不能流芳百世,為求遺臭萬年,咁你同呢啲人一齊做咩啫?你唔報道佢,佢所有嘅行為都唔理佢,咁就最好喇。」
過去一年備受封殺影響北上工作的黃秋生,對愛港行動召集人陳淨心嗤之以鼻。日前陳淨心仿傚黃安、舉報藝人,罪名任其賜予,包括撐佔領、反服貿、撐港獨、撐台獨等。黃安負責舉報盧廣仲,陳淨心舉報盧凱彤,結果兩人先後被退出南方草莓音樂節。
曾揶揄陳淨心係茄喱啡、「魚缸清道夫」,靠食魚屙廢物維生的黃秋生,今日接受《蘋果》電話訪問時,直斥陳淨心:「呢啲人唔好睬佢就最好,我都話佢係茄喱啡,做乜要睬佢?佢呢兩日都搞好多嘢,喺啲大陸網度,講到自己好似救國英雄咁,呢啲咁嘅人。依家唔係講緊你嘅態度,而係講緊你個方法,低莊呀。Even你真係一個愛國嘅人,你嘅行為都拉低咗佢哋。佢依家嘅方法係無恥,真係啋佢都黐線啦。」
「你最好所有啲大人物都鬧我,你唔讚我唔緊要,你鬧我啦,不能流芳百世,為求遺臭萬年,咁你同呢啲人一齊做咩啫?你唔報道佢,佢所有嘅行為都唔理佢,咁就最好喇。你唔去報道點會搞到件事情咁惡劣啫?我算你嘅出法點係好,但係你幫倒忙。有事情發生嘅時候,呢啲叫做幫倒忙,令事情惡化。你不停令到社會惡化,有爭議,指證邊個邊個,咁著黃色衫得唔得?我屋企有件黃色衫,咁著唔著得?下一步就係咁喇喎,『你仲唔怕我?我話邊個係就邊個係(唔愛國)』,我話劉德華劉德華就係,我話周潤發周潤發就係,咁你仲唔怕我呀?呢個根本係女流氓,大家使乜怕佢?」
唔知係咪陳淨心早有此一著,知道黃秋生會話佢講劉德華同周潤發,所以今日特別開一個post講佢哋,再搭多個梁朝偉。陳淨心女士貼上三人圖片,寫道:「我澄清,這三位藝人從來沒有表態支持占中,佔中初期員警用了催淚彈對付暴徒,暴徒中亦有十多歲的學生混雜,三位藝人只是心痛學生小孩。部分毒媒,報導有誤導性。」
如何理解陳淨心女士的神邏輯?秋生話齋:「呢個根本係女流氓,大家使乜怕佢?」

來源轉自:
【2015年11月27日訊】
(注意:帖內文或圖片中可能含有厭惡性簡體字;本站維護中華文化,堅決行使正體字。版權歸著者所有。)
【其他.相關】:

沒有留言: